कतारमा पहिलोपटक विधायक छान्न निर्वाचन भएको छ । निर्वाचनमा करिब ६४ प्रतिशतले मतदान गरेका छन् । ४५ सदस्यीय सुरा काउन्सिलमध्ये ३० सदस्यका लागि निर्वाचन भएको हो ।
काउन्सिलका बाँकी १५ जना सदस्य कतारका अमिरले नियुक्त गर्नेछन् । कूल दुई सय ३३ उम्मेदवारमध्ये २६ महिलाले चुनावमा प्रतिस्पर्धा गरेका थिए ।
सुरा काउन्सिलले देशको कानुन बनाउने तथा बजेट अनुमोदन गर्ने गर्छ । आर्थिक लगानी, प्रतिरक्षा र सुरक्षासम्बन्धी नीतिमा भने काउन्सिलले सुझाव दिन सक्दैन ।
निर्वाचनमा महिला र पुरुषका लागि अलग अलग बुथको व्यवस्था गरिएको थियो ।