कोलम्बो । श्रीलंकाको क्याबिनेटमा राजापाक्षे परिवारबाट नयाँ अर्थमन्त्री थपिएका छन् । बिहीबार ७० वर्षीय बासिल राजापाक्षेले श्रीलंकाको अर्थ मन्त्रीको शपथ लिएका हुन् । बासिल राष्ट्रपति गोटवाया राजापाक्षे र प्रधानमन्त्री महिन्दा राजापाक्षेका भाइ हुन् ।
कोरोनाभाइरस महामारीले पर्यटनलगायत अर्थतन्त्र समस्यामा परेका भन्दै गोटवायाले भाइलाई अर्थ मन्त्रालयको जिम्मेवारी सुम्पिएका हुन्।
अहिले प्रधानमन्त्री रहेका ७५ वर्षीय महिन्दा सन् २०१५ सम्म श्रीलंकाका राष्ट्रपति थिए । उनी राष्ट्रपति हुँदा भाइ बासिलले आर्थिक रणनीति बनाउँथे । बासिलको प्रवेशसँगै राजापाक्षे परिवारबाट क्याबिनेटमा पाँच जना पुगेका छन् ।
राजापाक्षेका जेठा दाजु ७८ वर्षीय छामल सिँचाइमन्त्री छन् । महिन्दाका छोरा ३५ वर्षीय नमाल राजपाक्षेलाई युवा तथा खेलकुद मन्त्री बनाइएको छ ।
राजापाक्षे परिवारका अन्य थुप्रै सदस्यहरूले सहायक मन्त्री र अन्य प्रशासनिक पद सम्हालेका छन् ।
