काठमाडौं ।बंगलादेशको कक्सबजारस्थित रोहिंगा शरणार्थी क्याम्पमा भएको भीषण आगलागीमा परी कम्तिमा १५ जनाको मृत्यु भएको छ ।
संयुक्त राष्ट्रसंघीय शरणार्थी उच्च आयोग(युएनएचसिआर)का अनुसार सोमाबार आगलागी भएको रोहिंग्या शरणार्थी क्यम्पमा भएको आगलागीमा परी चार सयभन्दा बढी हराइरहेको छन् । ‘आगलागीबाट झन्डै ५० हजार शरणार्थी विस्थापित भएका छन्,’आयोगले भनेको छ ।
बंगलादेशको कक्स बजार जिल्लामा मात्रै करिब १० लाख शरणार्थी रहेका छन् । म्यानमारमा सेनाले रोहिंगा समुदायमाथि दमन गरेपछि छिमेकी मुलुक बंगलादेशको कक्सबजार क्षेत्रमा उनीहरु शरण लिन पुगेका थिए ।