भारतकाे उत्तर प्रदेशमा दुर्घटना हुँदा ९ जनाले ज्यान गुमाएका छन् । उत्तरप्रदेशको आगरामा बिहीबार स्कार्पियो जीप र कन्टेनर एकआपसमा ठोक्किँदा नौ जनाको मृत्यु भएको हो ।
स्कार्पियो बिहारको गयाबाट दिल्ली जाँदै थियो । दुर्घटना आगराको एत्माद्दौला क्षेत्रमा भएको हो । दुर्घटनामा ज्यान गुमाउनेमध्ये सात जना बिहारका र दुई जना झारखण्डका रहेको भारतीय सञ्चारमाध्यमले जनाएका छन् ।
जिप पूर्णरुपमा क्षतिग्रस्त भएको छ । जीपको बाहिरी भाग काटेर करिब एक घण्टाको प्रयासमा शव तथा घाइतेहरुलाई बाहिर निकालिएको थियो ।
