पश्चिमभारत बंगालकी मुख्यमन्त्री ममता बनर्जी गम्भीर घाइते भएकी छिन् ।
पूर्वी मिदनापुर जिल्लाको नन्दीग्राममा उनीमाथि केही युवाहरुले गरेको आक्रमण परी उनी घाइते भएकी हुन् ।
उपचारमा संलग्न चिकित्सकहरुका अनुसार उनका खुट्टा, काँध र घाँटीको हाडमा चोट लागेको छ । भारतीय सञ्चारमाध्यमका अनुसार पूर्वीमिदनापुर जिल्लाको नन्दीग्राममा उनीमाथि केही युवाहरुले धक्का दिँदै आक्रमण गरेका थिए ।
राज्य सरकारले उनको उपचारका लागि पाँच सदस्यीय चिकित्सकको टोली गठन गरेको छ । ४८ घण्टासम्म बनर्जी चिकित्सकहरुको निगरानीमा रहने बताइएको छ ।
आक्रमणपछि उनले श्वास फेर्न गाह्रो महसुस भएको र छाती दुखेको बताइरहेकी छन् । सत्तारुढ तृणमुल कांग्रेस पार्टीले नन्दीग्रामबाट आउँदो विधानसभाको निर्वाचनका लागि नोमिनेसन गरेपछि बुधबार साँझ करिब ६ बजेतिर यो घटना भएको हो ।
बनर्जी भारतीय जनता पार्टीका लिडर सुबेन्धु अधिकारीविरुद्ध छन् । जेटप्लस सुरक्षा पाएकी बनर्जीले आफुमाथि चारपाँच जनाले आक्रमण गरेको र सो अवस्थामा त्यहाँ स्थानीय प्रहरी एवं अन्य कुनै अधिकारी समेत नरहेको आरोप लगाएकी छन् ।
