साउदीका पत्रकार जमाल खशोग्जीको हत्या गर्न साउदी अरबका युवराज मोहम्मद विन सलमानले स्वीकृति दिएको अमेरिकी गुप्तचर निकाय (सीआईए)ले उल्लेख गरेको छ ।

अमेरिकी राष्ट्रपनि जो बाइडेन प्रशासनले शुक्रबार सार्वजनिक गरेको एक रिपोर्टमा साउदी राजकुमारले पत्रकार खशोग्जीलाई पक्राउ वा हत्या गर्ने योजनामा मञ्जुरी दिएको उल्लेख गरिएको छ ।

साउदी राजपरिवारका आलोचक खशोग्जीको सन् २०१८ मा टर्कीको इस्तानबुलस्थित साउदी वाणिज्य दूतावास भित्र हत्या गरी मृत शरीरलाई क्षतविक्षत बनाइएको थियो । बाइडेन प्रशासनले साउदी अरबमा अघिल्लो ट्रम्प प्रशासन भन्दा मानवअधिकार र कानुनी शासनलाई लिएर कडा नीति अख्तियार गर्ने अनुमान गरिएको छ ।