अमेरिकी राष्ट्रपति डोनाल्ड ट्रम्पले बुधबार बिहानै ह्वाइट हाउस छाड्ने तयारी गरिरहेका छन् ।
बुधबार (जनवरी २०) मा नवनिर्वाचित राष्ट्रपति जो बाइडेनले संसद् भवनमा सपथ लिनेछन् र ह्वाइट हाउस जानेछन् ।
ह्वाइट हाउसमा कार्यरत एक कर्मचारीका अनुसार बुधबार बिहानै ट्रम्पले ह्वाइट हाउस छाड्ने तयारी गरेका छन् ।
ट्रम्पले आधिकारीक रुपमा ह्वाइट हाउस छाड्ने विषयमा भने अहिलेसम्म जानकारी दिइसकेका छैनन् ।
ट्रम्पले राष्ट्रपतिमा विजयी भएका जो बाइडेनलाई अहिलेसम्म बधाई समेत दिएका छैनन् र बाइडेनको सपथमा पनि उपस्थित नहुने बताइसकेका छन् ।
यद्यपी, शान्तिपूर्वक सत्ता हस्तान्तरण गर्ने घोषणा भने ट्रम्पले गरिसकेका छन् ।
