भारतको दक्षिणपश्चिमी राज्य कर्नाटकमा भएको एक सडक दुर्घटनामा परेर कम्तीमा पनि ११ जना व्यक्तिको मृत्यु भएको बताइएको छ ।
समाचारमा बताइएअनुसार एउटा मिनीबस र विपरीत दिशाबाट आएको ट्रकसँग एकआपसमा ठोक्किँदा सो दुर्घटना भएको थियो । त्यसमा परी अरु सात जना घाइते भएका छन् । उनीहरुलाई अस्पताल पुर्याइएको छ ।
सो दुर्घटनामा परेर उक्त बसका चालकसहित ११ जनाको ज्यान गएको बताइएको छ । मृत्यु हुनेमा १० जना यात्रु महिला रहेको प्रहरीले जानकारी दिएको छ ।
सो दुर्घटनास्थल बैंगलुरुबाट ४३० किलोमिटर पर पर्दछ । प्रहरीले घाइते सबैलाई अस्पताल लगिएको बताएको छ । प्रहरीका अनुसार सो दुर्घटनामा परेकामध्ये पाँच जना महिलाको अवस्था चिन्ताजनक रहेको छ ।
ती यात्रुहरु पारिवारिक कामका लागि हिँडेका थिए। उनीहरु गोवा जान लागेको पनि प्रहरीले जानकारी दिएको समाचारमा जनाइएको छ ।
