भारतको महाराष्ट्रस्थित भन्डारा जिल्लाको एक अस्पतालमा भीषण आगलागी हुँदा दश नवजात शिशुको मृत्यु भएको छ ।
अस्पतालको स्पेसल न्युबर्न केयर युनिटमा आगलागी भएको बिबिसीले जनाएको छ ।
ती शिशुहरु एकदेखि तीन महिना अगाडि मात्र जन्मिएका थिए ।
डिस्ट्रिक्ट सिभिल सर्जन प्रमोद खन्डातेका अनुसार अस्पतालमा राति साढे एक बजे आगलागी भएको थियो ।
महाराष्ट्रका स्वास्थ्यमन्त्रीले यस घटनासँगै नवजात शिशुको मृतक परिवारलाई पाँच–पाँच लाख रुपैयाँ आर्थिक सहयोग गर्ने घोषणा गरेका छन् ।
Heart-wrenching tragedy in Bhandara, Maharashtra, where we have lost precious young lives. My thoughts are with all the bereaved families. I hope the injured recover as early as possible.
— Narendra Modi (@narendramodi) January 9, 2021
प्रधानमन्त्री नरेन्द्र मोदीले पनि घटनाप्रति दुख व्यक्त गरेका छन् ।
