अमेरिकी राष्ट्रपति डोनाल्ड सत्ताबाट बाहिरिन अब केही दिन मात्रै बाँकी हुँदा ट्रम्पले ती निर्वाचन अधिकारीसँग गरेको टेलिफोन कुराकानीको अडियो दी वासिङटन पोस्टले सार्वजनिक गरेको छ ।
वासिङटन पोस्टका अनुसार ट्रम्पले रिपब्लिकन पार्टीका राज्य सेक्रेटरी ब्राड रेफेन्स्परजरसँग आफ्नो मत बढाउने उपायबारे कुराकानी गरेका थिए ।
ट्रम्पले रेफेन्स्परजरलाई जर्जियामा जसरी पनि आफ्ना ११, ७८० भोट खोज्न आग्रह गरेका थिए । जर्जियामा बाइडेनले ट्रम्पलाई ११, ७७९ भोटले पछि पारी नतिजा आफ्नो पक्षमा पारेका छन् ।
सार्वजनिक भएको अडियोमा ट्रम्पले रेफेन्स्परजरलाई रिपब्लिकन नै भएकाले त्यो काम जसरी पनि गर्न दवाव दिएका छन् । रेफेन्स्परजरले यो नै नतिजा सही भएकाले आफूले केही गर्न नसक्ने भनेका छन् ।
बासिङटन पोस्टका अनुसार ट्रम्प र रेफेन्स्परजरबीच यस विषयमा करिब १ घण्टा भएको कुराकानीको अडियो बाहिरिएको हो ।
निर्वाचनमा डेमोक्राटिक पार्टीका उम्मेदवार जो बाइडेन विजयीसंग पराजयपछि हार स्वीकार गर्न नमानी रहेका ट्रम्पले निर्वाचनमा धाँधली गरेर आफूहरलाई हराइएको आरोप लगाउँदै आएका छन् ।
