भारतका प्रधानमन्त्री नरेन्द्र मोदीले भारतले समयमै प्रभावकारी कदम उठाएका कारण आज भारत राम्रो स्थितिमा हुन सकेको बताएका छन् ।
उनले कोरोना भाइरसबाट पीडित मानिसहरुलाई बचाउने भारतको रेकर्ड संसारको सबैभन्दा उत्कृष्ट भएको बताए । साथै संक्रमणको मामिलामा पनि भारत अब लगातार ओरालो लागिरहेको मोदीको भनाइ छ ।
मोदीले गुजरातको राजकोटमा एम्सको शिलान्यासको क्रममा यस्तो बताएका हुन् । मोदीले भिडियो कन्फरेन्समार्फत् शिलान्यास गरेका हुन् ।
उनले भने, ‘वर्षको यो अन्तिम दिन भारतका लाखौं चिकित्सक, स्वास्थ्यकर्मी, सरसफाईकर्मी र अन्य फ्रन्ट लाइन कोरोना वारियर्सलाई सम्झदैछु । उनीहरुले मानवताको रक्षाका लागि लगातार आफ्नो जीवन दाउमा लगाइरहेका छन् ।’
पहले मैं कहता था दवाई नहीं तो ढिलाई नहीं लेकिन अब मैं फिर से कह रहा हूं दवाई भी कड़ाई भी। कड़ाई भी बरतनी है और दवाई भी लेनी है। दवाई आ गई तो छूट मिलेगी ये भ्रम में मत रहना। 2021 का हमारा मंत्र रहेगा दवाई भी कड़ाई भी: पीएम मोदी pic.twitter.com/a3Mue6c3SO
— ANI_HindiNews (@AHindinews) December 31, 2020
प्रधानमन्त्री मोदीले नयाँ वर्ष र कोरोनाको प्रशंगमा भने, ‘मैले अहिलेसम्म भन्दै आएको थिएँ कि जबसम्म दबाई छैन तबसम्म ढिलाई छैन । अब फेरि भनिरहेको छु कि दबाई पनि कडाई पनि ।’
