अमेरिकाकी राष्ट्रपति पदमा निर्वाचित जो बाइडेनले पूर्व राष्ट्रिय सुरक्षा सल्लाहकार सुसन राइसलाई आन्तरिक नीति सल्लाहकारका रुपमा नियुक्त गरेका छन् ।
विदेश नीतिको विज्ञ मानिने राइसलाई बाइडेनले भने आन्तरिक मामिलासम्बन्धी नीतिगत विषय हेर्ने जिम्मेवारी दिएका हुन् ।
विदेश मामिलामा दिग्गज मानिने ५६–वर्षीया राइसलाई आन्तरिक मामिलाको सल्लाहकार र आन्तरिक नीति परिषद्को डाइरेक्टरको जिम्मेवारी दिने बाइडेनको कदमले धेरै मानिस आश्चर्यमा परेका छन् ।
बाइडेनले राइसलगायत अहिलेसम्म गरेका नियुक्तिबाट उनले व्यवस्थापकीय अनुभव र विविधतामुलक प्रतिनिधित्वलाई प्राथमिकता दिएको देखिन्छ ।
जसरी तत्कालीन राष्ट्रपति बाराक ओबामाले लामो अनुभव र प्रतिबद्धताको सम्मान गर्दै उनलाई उपराष्ट्रपतिको जिम्मेवारी दिएका थिए, वाइडेनले पनि ठीक त्यसैगरी लामो प्रतिबद्धता र अनुभव भएका व्यक्तिलाई बढि प्राथमिकता दिएको रोयटर्सले उल्लेख गरेको छ ।
ओबामाको राष्ट्रिय सुरक्षा सल्लाहकारबाहेक संयुक्त राष्ट्रसंघमा अमेरिकाको राजदूतको रुपमा पनि काम गरेकी उनी बाइडेनको टिममा उपराष्ट्रपति पदका लागि पनि आकांक्षी थिइन् ।
उनलाई बाइडेनको सरकारमा सम्भावित विदेशमन्त्रीको रुपमा समेत हेरिएको थियो ।
