अमेरिकाको दक्षिणी ओन्टारियोमा एक उल्कापिण्ड खस्दा ठुलो विस्फोट भएको बताइएको छ । पृथ्वीको वायुमन्डलमा प्रवेश गर्ने क्रममा उक्त चट्टान बल्न थालेपछि दिउँसै झन चहकिलो देखिएको र त्यसको विस्फोटले जमीनमा कम्पन महसुस गरिएको थियो ।
अमेरिकन मेटियर सोसाइटीले मेरिल्यान्ड, वासिंगटन डीसी, भर्जिनिया, पेन्सिलभेनिया, न्युयोर्क, ओन्टारियो र मिसिगनबाट उल्कापिन्ड देखिएको विषयमा करिब १ सय ५० रिपोट्र्स प्राप्त भएको दावी गरिएको छ । नासाको मेटोराइड इन्भारोनमेन्ट अफिसका प्रमुख बिल कुकले उक्त उल्कापिन्ड हाम्रो वायुमन्डलमा प्रवेश गर्नु अघि पश्चिम तर्फ ५६ हजार माइल प्रतिघन्टाको बेगमा हुँइकिएको बताए ।
त्यसपछि मध्यन्युयोर्कमा सतहबाट करिब २२ माइल माथि यो दुई टुक्रा भएको जसबाट आवाज, सोनिक बुम उत्पन्न भएको हो । एक प्रत्यक्षदर्शीले यो बैजनी र हरियो रंगमा चम्किलो देखेको र एकै छिनमा गायब भएको बताए । सामाजिक सन्जालमा मानिसहरुले आवाज धेरै ठुलो भएको र त्यसले घरै हल्लिएको बताएका छन् ।
अमेरिकी मेटियर सोसाइटीका रोबर्ट लन्सफर्डले यो पृथ्वीको वायुमन्डलमा प्रवेश गर्ने उल्कापिन्ड नै भएको र अरु हुन नसक्ने बताए । उल्कापिन्डको उक्त आवाज क्यानाडाको टोरोन्टोमा पनि सुनिएको बताइएको छ ।
उनले भने , कुनै ठुलो शहर नजिकै भएको यो घटना दुर्लभ हो । धेरैजसो यो पानीमा मात्र खस्ने गरेको छ ।
वायुमन्डलमा प्रवेश गर्ने उल्कापिन्ड कम वेगको हुने बताउँदै यो कुनै छुद्रग्रहको टुक्रा हुनसक्ने कुकले बताए । यसअघि जापानको एक शहरमा पनि बोलाइड खसेको थियो र उक्त घटना पनि क्यामरामा कैद भएको थियो ।
