भारतीय टेलिभिजनको चर्चित हास्य श्रृंखला ‘तारक मेहताका उल्टा चश्मा’ का लेखक मध्ये एक जनाले आत्महत्या गरेका छन् ।
लेखक अभिषेक मकवानाले एक चिठ्ठी (सुसाइट नोट) लेखी आत्महत्या गरेको भारतीय प्रहरीले जनाएको छ ।
उक्त सुसाइट नोटमा पैसाको समस्याका बारेमा लेखिएको प्रहरीले बताएको छ ।
अभिषेकले २७ नोभेम्बरमा आत्महत्या गरेका थिए ।
उनका परिवारजनले भने अभिषेक साइबर ठगीको शिकार भएको र उनलाई ब्ल्याकमेल गरिएको आरोप लगाएका छन् ।
अभिषेकलाई मुम्बईको कान्दिवलीस्थित घरमा पंखामा झुण्डिएको अवस्थामा फेला पारिएको थियो ।
प्रहरीले घटनाबारे अनुसन्धान गरिरहेको जनाएको छ ।
