आत्महत्याका लागि उक्साएको आरोपमा थुनामा रहेका भारतीय पत्रकार अर्नब गोस्वामीलाई मुम्बईस्थित तालोजा सेन्ट्रल जेलमा स्थानान्तरण गरिएको छ। उनीमाथि एक इन्टेरियर डिजाइनरलाई आत्महत्याका लागि उक्साएको आरोप छ ।
भारतीय सञ्चार माध्यमहरूका अनुसार गोस्वामीले अलिबागस्थित क्वारेन्टाइनका रुपमा राखिएको ठाउँमा उनलाई निर्ममतापूर्वक पिटिएको र कसैलाई भेट्न नदिएको बताएपछि उनलाई सो जेलमा स्थानान्तरण गरिएको हो ।
सन् २०१८ को मेमा आत्महत्या गरेका इन्टेरियर डिजाइनर अन्भय नाइक र उनकी आमा कुमुद नाइकको प्रकरणमा गत बुधबार पक्राउ परेका गोस्वामीको मुद्दा बम्बई उच्च अदालतमा सुनुवाइ भइरहेको छ ।
