न्युजिल्यान्डमा पहिलोपटक समलिंगी व्यक्ति उपप्रधानमन्त्रीमा चयन भएका छन् ।
नयाँ कार्यकालका लागि प्रधानमन्त्री निर्वाचित बनेकी जासिन्डा आर्डेनले आफ्नो देशको मन्त्रिपरिषद् यसपटक समावेशी भएको बताएकी छिन् ।
उनले देशको पहिलो समलिंगी उपप्रधानमन्त्रीको रुपमा ग्रान्ट रोवर्टसनलाई नियुक्त गरेकी हुन् ।
यस्तै आर्डेनले नयाँ विदेशमन्त्रीमा नानइया महुतालाई नियुक्त गरेकी छिन् । महुताको अनुहारमा ट्याटु खोपिएको छ ।
कोरोना महामारीको समयमा न्युजिल्यान्डमा कोरोना नियन्त्रण गर्न महत्वपूर्ण भूमिका खेलेकी आर्डेनको निकै चर्चा भएको थियो ।
यसपटक आर्डेनले आफ्नो क्याबिनेटमा पिछडिएको समुदाय माओरीबाट प्रतिनिधित्व हुनेगरी पनि सदस्य नियुक्त गरेकी छिन् ।
