निर्वाचनको रात मतगणना हुँदै गर्दा अमेरिकाको राजधानी वाशिङटन डीसीको सडकमा राष्ट्रपति डोनाल्ड ट्रम्पविरोधी प्रदर्शन भइरहेको छ ।
सयौँ मानिसहरू सडकमा उत्रदाँ केही स्थानमा सडक अवरुद्ध भएको बिबिसीले उल्लेख गरेको छ ।
प्रदर्शनकारीहरूले 'हामीले न्याय पाउँदैनौँ भने उनीहरूले शान्ति पाउँदैनन्' भन्ने नारा लगाएका छन् ।
सामान्यतया प्रदर्शन शान्तिपूर्ण भएपनि ह्वाइट हाउस बाहिर केही तनाव भएको र तीनजनालाई गिरफ्तार गरिएको एनबिसी समाचार संस्थाले जनाएको छ ।
अन्य राज्यहरूमा पनि साना विरोध प्रदर्शनहरू भएको बताइएको छ ।
ट्रम्पले भने चुनाव जितिसक्यौँ
यसैबीच, अमेरिकी राष्ट्रपति ट्रम्पले चुनावको मतपरिणाम गणना भइरहँदा आफूले जितेको घोषणा गरिएिका छन् ।
चुनावको सम्पूर्ण नतिजा आइनसक्दै ट्रम्पले आफूले जितेको घोषणा गरेका हुन् ।
मतगणना जारी रहँदा ह्वाइट हाउसबाट सम्बोधन गर्दै ट्रम्पले भने, ‘जहाँसम्म मेरो कुरा छ, हामीले जितिसक्यौँ।’
‘हामी ठूलो उत्सवका लागि तयार थियौँ,’ उनले भने, ‘हामीले सबै जित्दैथियौँ । अचानक रोक्यौँ।’
उनले विपक्षीले धाँदलीको प्रयास गरेको आरोप पनि लगाए ।
विपक्षी दलले धाँधली गरे अमेरिकी जनतामाथिको ठगीगरेको उनले टिप्पणी गरे ।
अमेरिकाको राष्ट्रपति चुनिन ५१ राज्यबाट २७० इलेक्टोरल कलेज (सिट) जित्नुपर्छ ।
