जम्मु–कस्मिरको सिमानामा पाकिस्तानको तर्फबाट भएको बेग्ला–बेग्लै कारवाहीमा तीन भारतीय सेनाको मृत्यु भएको छ ।
पाकिस्तानको तर्फबाट भएको अन्धाधुन्ध गोलाबारीमा तीन सेनाको मृत्यु हुनाका साथै अन्य पाँच घाइते भएको एनडीटीभीले जनाएको छ ।
सीमामा भएको आक्रमणपछि भारतीय सेनाले पनि गतिलो जवाफ दिएको भारतीय पक्षले बताएको छ ।
भारतीय अधिकारीहरुका अनुसार पाकिस्तानी सेनाले सीमामा युद्धविरामको उल्लंघन गर्दै मानकोट र कृष्ण घाटी सेक्टरमा आक्रमण गरेका थिए ।
त्यस्तै बिहीबार बिहानै उत्तरी कस्मिरको नाउगाम सेक्टरमा तोपहरु आक्रमण भएको थियो ।
गएको पाँच दिनयता पाकिस्तानी सेनाले भारतका स–सना गाउँ लक्षित आक्रमण गरेको भारतीय सञ्चारमाध्यमहरुले जनाएका छन् ।
