एजेन्सी । बलिउड अभिनेता अमिताभ बच्चनसहित उनको परिवारका ४ सदस्य अस्पतालमा उपचाररत छन् ।
केही दिनअघि उनीहरुलाई कोरोना संक्रमण पुष्टि भएको थियो । बच्चन परिवार मुम्बईस्थित नानावती अस्पतालमा उपचाररत छन् ।
यसैबीच अमिताभकी पत्नी जया बच्चनले मुम्बई प्रहरीमा उजुरी दिएकी छन् । उनले बाइकर्स ग्रुपले आफूलाई दुःख दिएको भन्दै प्रहरीमा उजुरी दिएकी हुन् ।
उनका अनुसार रातको समयमा बाइकर्सले जयाको घर भएको इलाकामा रेसिङ् प्रतिस्पर्धा गरेर होहल्ला गर्ने गर्छन् ।
दिनदिनै होहल्ला गरेर दुःख दिन थालेपछि जयाले बाध्य भएर प्रहरीमा फोनमार्फत मौखिक उजुरी दिएकी हुन् ।
जयाले उजुरी दिए लगत्तै प्रहरीले फरार बाइकर्सको खोजी सुरु गरेको भारतीय सञ्चारमाध्यमहरुले उल्लेख गरेका छन् ।
प्रहरीले सीसीटिभी फुटेजबाट बाइकको नम्बर ट्रेस गरी खोजी गरिरहेको बताइएको छ ।
