इरानले अमेरिकी राष्ट्रपति डोनाल्ड ट्रम्पसहित ३५ जनाविरुद्ध पक्राउ पुर्जी जारी गर्दै इन्टरपोलमा सहयोगका लागि आग्रहसमेत गरेकाे छ ।
आफ्नो वरिष्ठ सैनिक कमान्डर जनरल क्वासिम सुलेमानीको हत्यामा संलग्न भएको आरोपमा पक्राउ पुर्जी जारी गरिएकाे भए पनि ट्रम्पबाहेक अन्यको नाम खुलाइएको छैन । इन्टरपोलले पनि यस विषयमा प्रतिक्रिया दिइसकेको छैन ।
अमेरिकाले ३ जनवरीमा इराकमा ड्रोन हमला गरेर सुलेमानीको हत्या गरेको थियो । सुलेमानीको हत्याले अमेरिका र इरानलाई सशस्त्र द्वन्द्वको धारमा पुर्याएको थियो । घटनापछि इरानले इराकमा अमेरिकी सैनिक क्याम्पलाई लक्षित गरी मिसाइल आक्रमण गरेको थियो ।
