भारतमा तलब मागेको भन्दै श्रमिकलाई कुकुर लगाएर टोकाइएको घटना सार्वजनिक भएको छ ।
भारतको जोधपुरको एक रेष्टुरेन्टमा कार्यरत एक श्रमिकले आफूले पाउनु पर्ने तलब माग्दा कुकुर लगाएर टोकाएको उनले बताएका छन् ।
कल्याण सिंह नाम गरेका श्रमिकले अघिल्लो महिना काम गरेको तलब माग्दा रेष्टुरेन्टका मालिकले आफ्नै घरको कुकुर बोलाएर टोकाएको उनले बताएका छन् । कुकुरको टोकाइबाट उनी घाइते भएका छन् ।
आफूमाथि अन्याय भएको भन्दै उनले महामन्दिर प्रहरी चौकीमा उजुरीसमेत दर्ता गराएका छन् ।
उजुरीमा मालिकमाथि कारबाही र आफूले पाउनुपर्ने पारिश्रमिक दिलाइ दिन माग गरेका छन् ।
प्रहरीले घटनाबारे छानबिन सुरू भएको बताएको छ ।
