भारतीय प्रधानमन्त्री नरेन्द्र मोदीले सर्वदलीय बैठक बोलाएका छन् ।
मोदीले चीनसँग पछिल्लो समयमा जारी सीमा विवाद तथा आफ्ना सेना मारिएको विषयमा छलफल गर्न शुक्रबार सो बैठक बोलाएका हुन् ।
मोदीले बोलाएको सो बैठक केही बेरमा (शुक्रबार अपराह्न ५ बजे) भर्चुवल रुपमा बस्दै छ ।
बैठकमा भारतका प्रमुख राजनीतिक २० दलको सहभागिता रहने बताइएको छ ।
बैठक भारत र चीनबीचको लद्दाखस्थित ग्वालन भ्यालीमा यही जुन १५ को राति भारत र चीनका सीमा सुरक्षा सैनिकबीच झडपकेन्द्रित हुने बताइएको छ ।
सो झडपमा भारतका कम्तीमा पनि २० जना सैनिकको ज्यान गएको भारतले जनाएको छ ।
यो घटनालगत्तै चीन–भारत सिमा विवाद दिनप्रतिदिन बढ्दै गइरहेको छ ।
भारत–चीनको सीमा क्षेत्रमा भएको हिंसाको विषयलाई लिएर संयुक्त राष्ट्रसंघका महासचिव एन्टोनियो गुटर्रेसले पनि चासो व्यक्त गरेका छन् ।
