उत्तर कोरियाका नेता किम जोङ उनकी बहिनीले दक्षिण कोरियाविरुद्ध सैनिक कारबाही गर्ने चेतावनी दिएकी छिन् ।
उत्तर कोरियाको सीमा क्षेत्रमा सरकार विरोधी गतिविधि बन्द नगरेको भन्दै किम यो जोङले यस्तो चेतावनी दिएकी हुन् । दक्षिण कोरियाले यस्तो काम बन्द नगरे उत्तर कोरियाले सैनिक कारबाही गर्ने उनले बताइन् ।
उनले सर्वोच्च नेता, पार्टी र सरकारबाट आफूलाई मिलेको अधिकार प्रयोग गर्दै सेनालाई कारबाही गर्ने बताएकी हुन्। सैन्य कारबाहीबारे आधिकारिक फैसला सेना प्रमुखले गर्ने उनले बताइन् ।
पर्चा र बेलुन
गत जुनदेखि उत्तर कोरियामा दक्षिण कोरियाली सीमाबाट पर्चासहितका पाँच लाख बेलुन उडाइएको छ । उक्त पर्चामा उत्तर कोरियाका तर्फबाट हुने परमाणु हमलाको आलोचना गरिएको छ ।
त्यस्तै, उत्तर कोरियामा भएको मानअधिकार हननबारे पनि प्रश्न उठाइएको छ । उत्तर कोरियाले यसबारे यसअघि पनि आपत्ति जनाइसकेको छ ।
यता, दक्षिण कोरियाले पनि बेलुन उडाउनेविरुद्ध कारबाही गरिने र यो क्रम बन्द हुने जनाएको थियो । तर, बेलुन पठाउने काम अझै रोकिएको छैन ।
दुई कोरियाली देशबीच पछिल्लो समय विवाद बढ्दो छ ।
यसैबीच, उत्तर कोरियाले मंगलबार दक्षिण कोरियासँग सबै प्रकारले सम्पर्क बन्द गर्ने घोषणा गरेको थियो ।
