विश्वव्यापी महामारीको रुपमा फैलिएको कोरोना भाइरसको प्रकोपबाट दक्षिण एसियाली राष्ट्रहरु नराम्रोसँग प्रभावित बनेका छन् । नियमित रुपमा उकालो लागिरहेको कोरोना भाइरसबाट दक्षिण एसियाका आठ देशमध्ये कुन देशमा कति छन् संक्रमित, मृत्यु र लिको हुनेको संख्या हेर्नुस् सूचीसहित ।

भारत : दक्षिण एसियाका आठ देशमध्ये भारत सबैभन्दा बढी प्रभावित भएकाे छ। हालसम्म भारतमा कोरोना संक्रमितको संख्या २ लाख २७ हजारभन्दा बढी छ भने ६ हजार ३ सय ६७ जनाकाे कोरोनाकै कारण मृत्यु भइसकेको छ ।

पाकिस्तान : पाकिस्तानमा कोरोना संक्रमितको संख्या झण्डै ९० हजार पुगेको छ भने १ हजार ८ सय ३८ जनाले ज्यान गुमाएका छन् । बंगलादेशको अवस्था पनि डरलाग्दो छ। अहिलेसम्म बंगलादेशमा ६० हजारभन्दा बढी कोरोना संक्रमित बनेका छन् भने ८ सय ११ जनाको मृत्यु भएको छ।

अफगानिस्तान : अफगानिस्तानमा कोरोना संक्रमितको संख्या झण्डै १९ हजार पुगको छ भने ३ सय ९ जनाले ज्यान गुमाएका छन्।

नेपाल : दक्षिण एसियामा अफगानिस्तानपछि कोरोनाबाट सबैभन्दा बढी प्रभावित मुलुककाे सूचीमा नेपाल रहेकाे छ । हालसम्म नेपालमा २ हजार ६ सय ३४ जनामा कोरोना पुष्टि भएको छ भने कोरोनाबाट ज्यान गुमाउनेको संख्या ११ पुगेको छ।

माल्दिभ्स :  माल्दिभ्समा अहिलेसम्म १८ सय ७२ जनामा कोरोना देखिदा ७ जनाको मृत्यु भएको छ ।

श्रीलंका : श्रीलंकामा १७ सय ९७ जनामा कोरोना संक्रमण देखिएको छ भने ११ जनाले ज्यान गुमाएका छन् ।

भुटान :  दक्षिण एसियामा अन्य देशको तुलनामा भुटान कम प्रभावित देखिएकाे छ। हालसम्म भुटानमा ४८ जनामा कोरोना भाइरसको संक्रमण पुष्टि भएको छ।

हेर्नुस् सार्क देशको विवरण