एजेन्सी । भारतको गुजरातमा लकडाउनबाट घर बाहिर निस्कन नपाएपछि एक युवकले आत्महत्या गरेका छन् ।
त्यस्तै तमिलनाडुमा एक युवकले महिलाको हत्या गरेका छन् ।
गुजरात जामनगरका २१ वर्षीय एक युवक कौशिक मन्डेराले आत्महत्या गरेका हुन् । उनी राजकोटमा मजदुरी गर्दै आएका थिए ।
उनी लकडाउनमा आफ्नो घर जामनगर गएका थिए । उनी घरबाट बाहिर निस्कन पाएका थिएनन् ।
युवकका बुबाका अनुसार, उनी घरबाहिर निस्कन नपाउँदा निकै तनावमा थिए ।
रातको समयमा घरका अरु सदस्य सुतिरहेको समयमा उनले पासो लगाएर आत्महत्या गरेका हुन् ।
युवक नग्न अवस्थामा निस्किए
उता तमिलनाडुको थेनी जिल्लामा होम क्वारेन्टाइनमा रहेका एक ३२ वर्षीय युवक घरबाहिर निस्किए ।
३२ वर्षीय मणिकन्दनले छिमेकी एक वृद्धा महिलालाई टोकेर हत्या गरिदिए । केही दिनअघि उनी श्रीलंकाबाट फर्किएका थिए ।
त्यसपछि उनी घरमै सेल्फ क्वारेन्टाइनमा बस्दै आएका थिए । त्यहाँको प्रहरीका अनुसार, युवक नग्न अवस्थामा घरबाट निस्किएका थिए ।
उनले छिमेकी महिलालाई टोकेका थिए । पछि उक्त महिलाको मृत्यु भएको प्रहरीले जानकारी दिएको छ ।
प्रहरीले मणिकन्दनलाई पक्राउ गरेको छ । उनको मानसिक अवस्थाको बारेमा समेत जाँच गरिने बताइएको छ ।
