एजेन्सी । मोजाम्बिकमा एउटा कन्टेनरभित्र ६४ पुरुषको शव फेला परेको छ ।
शरणार्थी सम्बन्धी संयुक्त राष्ट्रसंघीय नियोग ‘आइओएम’ले यो खबर सार्वजनिक गरेको हो ।
बाहिरबाट बन्द गरिएको कन्टेनरलाई टेटेस्थित एक चेकप्वाइन्टमा सुरक्षा जाँचका क्रममा खोलेर हेर्ने क्रममा शवहरु फेला परेको हो ।
आइओएमका अनुसार १४ जनाको भने उद्धार गरिएको छ । स्वास्थ्य परीक्षणका लागि उनीहरुलाई स्थानीय अस्पतालमा पठाइएको छ ।
उद्धार गरिएकाहरुका अनुसार उनीहरु इथियोपियाबाट दक्षिण अफ्रिका जाँदै थिए ।
कन्टेनर चालक र सहचालकलाई नियन्त्रणमा लिइएको छ ।
चालकका अनुसार उसलाई ती व्यक्ति लगिदिएबापत करिब पाँच सय डलर दिने भनिएको थियो ।
