एजेन्सी । उत्तर प्रदेशको बस्तीबाट ३५ किलोमिटरको दुरीमा रुधौलीथाना क्षेत्र छ । त्यहाँ विनय शर्माको गाउँ छ ।
गाउँको नाम हामीले उल्लेख गरेका छैनौं । किनकी, यहाँका मानिसले भने, 'विनयको कारण हाम्रो यो गाउँको नाम खराब नहोस् । कृपया तपाइँले खबर (समाचार) मा यस गाउँको नाम नलेखिदिनुहोला । त्यसबाट यस गाउँका नौजवानहरुको भविष्य खराब हुन सक्छ ।'
हामी सुरुमा विनयको घर पुग्यौं । घरको पिढीमा विनयका अंकल र आन्टी बसिरहेका थिए । विनयको नाम लिनासाथ आन्टी रुन थालिन् । उनको आँखाबाट आँशु रोकिएन ।
उनले भनिन्, 'पूरा दुनिया हाम्रो छोराविरुद्ध लागेपछि उ बच्न सकेन । सबैलाई लागिरहेको होला यस फासीको घटनापछि केही बदलिनेछ । तर त्यस्तो केही हुनेवाला छैन ।'
उनले भनिन्, 'अब जहाँ बलात्कारका घटना हुन्छन्, त्यसको दोषीलाई पनि अदालतले फाँसीको सजाय दिन्छ ? हरेक दोषीलाई फाँसी दिइयो भने त ठिक हो । नत्र यो गलत भयो ।'
१५ दिनअघि सगाई
१६ डिसेम्बर २०१२ मा भएको निर्भया काण्डभन्दा ठिक १५ दिन पहिले विनयको सगाई भएको थियो । विनय सगाईको लागि गाउँ आएका थिए । गाउँमा उनको फलदान भयो । छिट्टै विवाह गर्ने तयारी थियो ।
'तर दिल्लीमा भएको काण्डपछि हाम्रो परिवारले केटीको परिवारसँग माफी माग्यौं । र अर्कै ठाउँमा विवाह गरिदिन आग्रह गर्यौं ।' विनयका अंकलले भने ।
सात वर्षपछि मुस्कुराइन् निर्भया: दोषीलाई फाँसी अघि जे गरियो...
आमाले निर्भयाको फोटो छातीमा टाँसिन् र भनिन्...विनयका अंकल मायारामले भने, 'हामी तीन भाइ छौं । विनयका बुबा हरिराम पहिलेदेखि नै दिल्लीमा बस्दै आएका थिए । त्यहाँ उनले गुब्बारा बेच्थे । विनय दिल्लीमै जन्मिएका हुन् । तर उनले इन्टरसम्म गाउँमै बसेर अध्ययन गरे ।'
'हाम्रो घरमा टिभी छैन । बिहान ४ बजेदेखि हामी छिमेकीको घरमा टिभी हेर्न जान्थ्यौं । जुन घटना भयो त्यो निकै गलत थियो । दोषीलाई आजीवन कारावासको सजाय दिएको भए राम्रो हुन्थ्यो ।' उनले सुनाए ।
सात वर्षसम्म मिडियालाई यस गाउँको बारेमा सकन थाहा भएन ? भन्ने प्रश्नमा उनले भने, 'जब त्यो घटना भयो त्यसपछि विनयका बुबाले ठेगाना दिल्लीकै दिए । उनले आफ्नो गाउँको नामको बारेमा केही खुलाएनन् ।'
-दैनिक भाष्करबाट
