एजेन्सी । तयिमलनाडुको विरुधुनगर जिल्लामा रहेको एक पटाका कारखानामा आगलागी हुँदा आठ जनाको मृत्यु भएको छ ।
शुक्रबार साँझ भएको आगलागीमा परेर ११ जना घाइते भएका छन् । मृत्यु हुनेमा पाँच महिला छन् ।
त्यहाँका प्रहरीका अनुसार उक्त कारखानामा ३० जना मजदुर कार्यरत थिए ।
पटाका बनाउनको लागि मजदुरहरुले रसायन मिश्रण गरिरहेका थिए । सोही क्रममा विष्फोट भइ आगलागी भएको हो ।
आगलागीबाट तीन वटा गोदाम जलेर खरानी भएको छ ।