एजेन्सी । अमेरिकी राष्ट्रपति डोनाल्ड ट्रम्पले त्यहाँको संसदको दुबै सभालाई सम्बोधन गरेका छन् ।
राष्ट्रपति ट्रम्पले तेस्रो पटक दुबै सदनलाई सम्बोधन गरेका हुन् ।
ट्रम्पको सम्बोधन सुरु हुनु अघि सभामुख न्यान्सी पेलोसीले अभिवादनस्वरुप ट्रम्पसँग हात मिलाउन खोजिन् । उनले ट्रम्पसामु हात मिलाउन आफ्नो हात अघि सारिन् तर ट्रम्पले त्यसलाई बेवास्ता गरिदिए ।
त्यसपछि (ट्रम्पको सम्बोधनपछि) पेलोसीले राष्ट्रपति ट्रम्पको सम्बोधनको प्रतिलिपी च्यातिदिइन् ।
Did Pres. Trump snub Pelosi's handshake?pic.twitter.com/iBrsct1oHE
— Liz Wheeler (@Liz_Wheeler) February 5, 2020
सम्बोधनका क्रममा ट्रम्पले भने, 'मैले पदभार ग्रहण गरेपछि अमेरिकाको अर्थतन्त्रलाई सहि बाटोमा ल्याउन कोसिस गरें। हाम्रो साहसिक अभियानका कारण तेल र प्राकृतिक ग्यासको उत्पादनमा विश्वमा पहिलो स्थानमा आएको छ।'
अमेरिकी संसदको माथिल्लो सदनमा ट्रम्पको महाभियोग प्रस्तावमा बुधवार मतदान हुनेछ।
