अस्ट्रेलियाको लागको डढेलो नियन्त्रण गर्न परिचालित विमान दुर्घटना हुँदा तीन जना अमेरिकी नागरिकको मृत्यु भएको छ ।
न्यु साउथ वेल्समा भएको दुर्घटनामा चालकदलका तीनै जनाको मृत्यु भएको हो । सिड्नीनजिकै रहेको पहाडी क्षेत्रमा लागेको डढेलो निभाउन जाँदा विमान दुर्घटना भएको थियो ।
गएको सेप्टेम्बरयता अस्ट्रेलियामा फैलिएको भीषण आगलागीमा परेर २९ जनाको मृत्यु भइसकेको छ । करिव ५० करोड पशुपन्छी परेको समाचारहरू आएका छन् ।
सोही आगो निभाउन विमान खटिएको थियो । अधिकारीहरूका अनुसार पहाडमा ठोक्किएर विमान दुर्घटना भएको हो । पहाडमा ठोक्किएलगत्तै विमानमा आगो लागेको थियो ।
‘वाटर बम्बिङ प्लेन’ भनिने सो विमानमा १५ हजार लिटर पानी बोक्न सक्ने क्षमता हुन्छ । आगो निभाउन पानीसहित अन्य पदार्थसमेत विमानले ओसार्ने गर्दछ ।
