भारत उत्तरप्रदेशको कन्नौजमा ट्रकसँग ठोक्किएर बसमा आगो लागेपछि २० जनाको ज्यान गएको छ ।
घटनालगत्तै भारतीय प्रधानमन्त्री नरेन्द्र मोदीले दुःख प्रकट गर्दै गरेका छन् । ट्वीट गर्दै उनले घाइतेहरूको स्वास्थ्य लाभको कामना पनि गरेका छन् ।
उत्तर प्रदेश के कन्नौज में हुए भीषण सड़क हादसे के बारे में जानकर अत्यंत दुख पहुंचा है। इस दुर्घटना में कई लोगों को अपनी जान गंवानी पड़ी है। मैं मृतकों के परिजनों के प्रति अपनी संवेदनाएं प्रकट करता हूं, साथ ही घायलों के शीघ्र स्वस्थ होने की कामना करता हूं।
— Narendra Modi (@narendramodi) January 11, 2020
घटनामा करिव दुई दर्जन घाइते भएका छन् । घाइतेको उपचार राज्य सरकारले गर्ने भएको छ । मुख्यमन्त्री योगी आदित्यनाथले घटनाप्रति दुख व्यक्त गर्दै घाइतेको उपचार सरकारले गर्ने जनाएका हुन् । उनले घाइतेको उपचारका लागि जनही ५० हजार र मृतकका परिवारलाई जनही दुई लाख रुपैयाँ दिने घोषणा गरेका छन् ।
मुख्यमन्त्री आदित्यनाथले घटनाको अनुसन्धान गर्न स्थानीय प्रशासनलाई निर्देशनसमेत दिएका छन् ।
घटनामा २१ जनाको उद्धार गरिएको थियो । केहीले बसबाट हामफालेर ज्यान जोगाएका छन् ।
भारतको उत्तरप्रदेशस्थित कन्नौजको छिबरामउ जीटी रोडस्थित घिलोई गाउँमा ट्रकसँग बस ठोक्किएको थियो । ठोक्किनासाथ बसमा आगो लागेको थियो । एसीयुक्त बसमा ५० जना यात्रु सवार भएको अनुमान छ । बसलगत्तै आगो ट्रकमा पनि सल्किएको थियो ।
