भारतका चर्चित अभिनेता अमिताभ बच्चनको ट्वीटर अकाउन्ट ह्याक भएको छ ।
पाकिस्तान समर्थित टर्कीको टर्किश साइबर आर्मी ‘अयिल्दिज टिम’ले उनको अकाउन्ट ह्याक गरेको दाबी गरेको छ ।
ह्याकपछि अमिताभको ट्वीटर अकाउन्टबाट टर्की र पाकिस्तानसँग सम्बन्धित सामग्री ट्वीट गरिएको छ ।
ह्याकरले अमिताभको ट्वीटर अकाउन्टको प्रोफाइल परिवर्तन गरी अमिताभको प्रोफाइल फोटोको ठाउँमा पाकिस्तानका प्रधानमन्त्री इमरान खानको तस्बिर राखेको छ । त्यहाँ लेखिएको छ, ‘नायक... केही मानिस अहिले पनि यस्तो गरिरहेका छन् । पाकिस्तानलाई प्रेम ।’
अमिताभ बच्चन ट्वीटरमा सक्रिय छन् र उनका ३ करोड ७४ लाख फलोअर्स छन् ।
