चिनियाँ र भारतीय सैनिकबीच लद्दाखको गालवान घाटीमा भएको झडपमा चिनियाँ युनिटका कमान्डिङ अधिकारीसहित ४० भन्दा बढी सैनिक मारिएको भारतीय समाचार माध्यमले दाबी गरेको छ ।
यद्यपि, चीनले यस घटनाबारे केही जानकारी दिएको छैन ।
यता भारतमा भने २० जनाको मृत्यु भएको र १ सय ३५ घाइतेमध्ये चार जवानको स्थिती चिन्ताजनक भएको बताइएको छ ।
दुई परमाणु शक्ति सम्पन्न देशबीच लद्दाखस्थित १४ हजार फिट अग्लो गालवन भ्यालीमा तीन घण्टासम्म हमला भएको बताइएको छ ।
उक्त हमलामा ढुङ्गा, लठ्ठी र धारिलो हतियार प्रयोग गरिएको थियो ।
यसअघि गालवन भ्यालीमा सन् १९६२ को युद्धमा ३३ भारतीयको ज्यान गएको थियो ।
