यस वर्षको युरोपियन उत्कृष्ट फुटबलरको अवार्ड इटालीका जोर्गिन्होले जितेका छन् ।
बर्ष २०२० मा चेल्सीबाट च्याम्पियन्स लिग जितको उनले इटालीलाई युरोको उपाधि दिलाउन पनि महत्वपूर्ण भूमिका खेलेका थिए ।
उनले केभिड डी ब्रुइन, एंगोलो कान्टेलाई पछि पारे । युईएफए अवार्डको पछिल्लो ११ बर्षमा पहिलोपटक उत्कृष्ट खेलाडीको मनोनयनमा मिडफिल्डर परेका थिए ।
जसमा जोर्गिन्होले बाजी मार्न सफल भए । उनी क्लब र देशका लागि दुई पटक युरोपियन च्याम्पियन बनेका थिए । उनले युरोकप जितेपछि नै उनी यो वर्षको उत्कृष्ट खेलाडीको हकदार बनेका थिए ।
ब्राजिलमा जन्मिए पनि इटालीमा हुर्किएका उनको बाल्यकल निकै कठिन अवस्थामा बितेको थियो । सुरुवातमा फुटबल खेलेको देख्दा आमाले बललाई नै जलाउने गरेकोमा अहिले उनी युरोपकै उत्कृष्ट खेलाडी बनेका छन् ।
महिलामा बार्सिलोनाकी एलिक्सा पुटेलास उत्कृष्ट बनिन् । उनले आफ्नै टिमकी जेनिफर हेरमोेसो र लिकी मार्टिन्सलाई पछि पारिन । प्रशिक्षकमा चेल्सीलाई च्याम्पियन्स लिगको उपाधि दिलाएका थोमस टुसेलले जितेका छन् ।
अघिल्लो सिजनमा पीएसजीबाट चेल्सीमा अनुबन्ध भएर टिमलाई युरोपियन च्याम्पियन बनाएका टुसेल बर्षको उत्कृष्ट प्रशिक्षक बने । यस्तै, महिलामा बार्सिलोनाकी लुइस कोर्टेस यूईएफए बर्षको उत्कृष्ट महिला प्रशिक्षक बनिन् ।
