जापानको टोकियोमा सुरु भएको ३२औँ संस्करणको गृष्मकालीन ओलम्पिकअन्तर्गत बिहीबार भएको पुरुष फुटबलमा ब्राजिलले जर्मनीमाथि ४–२ को जित दर्ता गरेको छ ।
योकोहामा अन्तर्राष्ट्रिय फुटबल मैदानमा ब्राजिललाई जित दिलाउन रिचार्लिसनले ह्याट्रिक पूरा गर्दा पौलिन्होले १ गोल गरे । जर्मनीका नदिम अमिरी र राग्नर एचेले १–१ गोल गरे ।
बिहीबार नै भएका अन्य खेलमा अस्ट्रेलियाले अर्जेन्टिनालाई २–० ले पराजित गर्दा, आयोजक जापानले दक्षिण अफ्रिका तथा रोमिनियाले होन्डुरसमाथि समान १–० को जित हात पारे । ओलम्पिकअन्तर्गत पुरुष फुटबलमा यु–२३ टिमले सहभागिता जनाउने गरेका छन् ।
