पछिल्लो २४ घण्टामा ४२५ जना कोरोना संक्रमण मुक्त भएका छन्। त्यस्तै ३९० जनामा कोरोना भाइरस संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार २ हजार ६०६ जनाको पीसीआर परीक्षण गर्दा ३७१ जना र २ हजार ४२० जनाको एन्टिजेन परीक्षण गर्दा १९ जना गरी ३९० जनामा कोरोना भाइरसको संक्रमण देखिएको हो।
यस्तै पछिल्लो २४ घण्टामा कोरोना संक्रमणबाट ५ जनाको मृत्यु भएको छ। यससँगै कूल मृतकको संख्या ११ हजार ४५३ पुगेको छ।
कूल निको हुनेको संख्या ७ लाख ९५ हजार ८२२ पुगेको छ। कूल संक्रमितको संख्या पीसीआर विधिबाट ८ लाख १४ हजार ९२९ र एन्टीजेनबाट ९४ हजार ८३६ पुगेको छ। नेपालमा हाल ७ हजार ६५४ जना सक्रिय संक्रमित रहेका छन्।
