चितवन । भरतपुरमा गोली हानी एक जनाको हत्या भएको छ ।
भरतपुर महानगरपालिका वडा नं. १७ स्थित बनगाई डेरी चोक नजिकै पुलमा गोली हानी हत्या गरिएको अवस्थामा शव भेटिएको हो ।
डेरी चोकबाट दक्षिणतर्फ शारदानगर जाने बाटोको बीचमा रहेको घोल (पुल) मा अन्दाजी ३० वर्षका युवकको शव फेला परेको हो ।
मृतकको पहिचान भएको छैन । सो ठाउँमा डुबेको अवस्थामा शव देखेपछि स्थानीयले प्रहरीलाई खबर गरेका थिए ।
घटनास्थलमा एक थान गोलीको खोका भेटिएको प्रहरीले जानकारी दिएको छ । प्रहरीले घटनाको अनुसन्धान सुरू गरेको छ ।
