काठमाडौं । राष्ट्रिय जल तथा मौसम पूर्वानुमान माहाशाखाले आज (बिहीबार) देशभर मौसमको प्रभावबारे विवरण सार्वजनिक गरेको छ ।
महाशाखाका अनुसार आज काठमाडौं उपत्यका लगायत अन्य धेरै जिल्लाहरुमा पहिलेको तुलनामा परिवर्तन भइ हल्का घाम लागेको छ भने केही भू–भागमा बदली हुनुका साथै उच्च पहाडी जिल्लामा हल्का वर्षा र हावाहुरीको सम्भावना रहेको छ ।
त्यस्तै, दिउँसो पनि प्रदेश १ लगायत अन्य प्रदेशका पहाडी भू–भागहरुमा आंशिकदेख सामान्य बदली रही अन्य स्थानहरूमा आंशिक बदली रहनेछ ।
साथै, प्रदेश १ लगायत अन्य प्रदेशका पहाडी भू–भागका थोरै स्थानहरुमा मेघगर्जन र चट्याङसहित हल्का वर्षाको सम्भावना रहेको छ । त्यसैगरी राति पनि पहाडी भू–भागहरुमा आंशिकदेखि सामान्य बदली रही अन्य स्थानहरूमा सामान्यतया सफा रहनेछ ।
प्रदेश १ का एक–दुइ स्थानमा मेघगर्जन र चट्याङसहित हल्का वर्षाको सम्भावना रहेको जल तथा मौसम पूर्वानुमान माहाशाखाले जनाएको छ ।