काठमाडौं । देशको पहाडी भागमा आज आंशिक बदलीको संभावना रहेको छ ।
जल तथा मौसम पूर्वानुमान महाशाखाकाअनुसार देशभर बिहीबार आंशिकदेखि सामान्य बदली हुने संभावना रहने छ । मुख्यतया पहाडी क्षेत्र बदली हुने र अन्य भुभागमा पनि आंशिक बदलीको सम्भावना रहेको महाशाखाले जनाएको छ ।
स्थानीय वायुसँगै पश्चिमी न्यून चापीय रेखाको प्रभावले कतिपय स्थानमा बदली भएको र अन्य स्थानमा अब बदली हुने अनुमान छ । त्यसैगरी पहाडी क्षेत्रका केही स्थानमा मेघ गर्जन र चट्याङसहित क्षणिक वर्षाको सम्भावना छ ।