बुटवल । रुपन्देहीको देवदहस्थित क्वारेन्टाइननका सुरक्षा गार्डले आत्मदाह गरेका छन् ।
देवदह–५ मितेरी टोलका २४ वर्षका विपिन बस्यालले मंगलबार बिहान शरीरमा मट्टीतेल खन्याएर आत्मदाह गरेका हुन् ।
जलेर गम्भीर घाइते भएका भएका उनको पाल्पा मिसन अस्ताल लैजाने क्रममा बुटवलमा मृत्यु भएको इलाका प्रहरी कार्यालय बुटवलका प्रमुख डीएसपी प्रतितसिंह राठौरले जानकारी दिए ।
आगोले जलेर गम्भीर घाइते भएका बस्याललाई देवदह मेडिकल कलेजमा दुई घण्टा उपचार पश्चात पाल्पा मिसन अस्पताल लैजाने क्रममा बाटोमै स्वास्थ्य अवस्था जटिल देखिएपछि लुम्बिनी प्रादेशिक अस्पताल बुटवल लगिएको थियो ।
बस्याल देवदह नगरपालिका वडा नम्बर ७ शित्तलनगरस्थित नेपाल मगर संघको भवनमा बनाइएको क्वारेन्टाइनमा सुरक्षा गार्डका रुपमा काम गर्दै आएका थिए ।
घटनाको कारणबारे खुल्न नसकेको र थप अनुसन्धान भइरहेको डीएसपी राठौरले बताए ।
