चैत १६, २०८०, शुक्रबार
               

उल्टियो कर्णालीको राजनीति, पदमुक्त चार सांसदलाई सर्वोच्चको थमौती

नेपाल फ्ल्यास
जेठ २७, २०७८

ADVERTISEMENT

नेकपा एमालेको माधवकुमार नेपाल समूहका कर्णाली प्रदेशसभाका चारजना सदस्यलाई एमालेले गरेको कारबाही निस्तेज भएको छ ।

सर्वोच्च अदालतले सांसद प्रकाश ज्वालासहित चार जनालाई पदमुक्त गर्ने निर्णय कार्यान्वयन नगर्न अन्तरिम आदेश दिएको हो ।

न्यायाधीश प्रकाशमान सिंह राउतको इजलासबाट गुमेको पद फिर्ता पाउने सांसदमा ज्वालासहित नन्दसिंह बुढा, अमरबहादुर थापा र कुर्मराज शाही छन् ।

एमालेको केन्द्रीय कमिटीको निर्णयका आधारमा प्रदेशसभा सचिवालय उनीहरूलाई पदमुक्त गरेको थियो । सो निर्णय कार्यान्वयन नगर्न सर्वोच्चले अन्तरिम आदेश दिएको हो ।

ती चार जनाले पार्टीको ह्विपविपरीत फ्लोर क्रस गरेका थिए । ज्वाला सल्यान प्रदेशसभा (ख), बुढा डोल्पा प्रदेशसभा (क), शाही कालिकोट प्रदेशसभा (क) र थापा दैलेख १ (ख) बाट निर्वाचित भएका थिए ।


कस्तो लाग्यो ?

यो पनि