प्रमुख प्रतिपक्षी दल नेपाली कांग्रेससहितको विपक्षी गठबन्धनको बैठक बुढानीलकण्ठमा जारी छ । बैठकमा नेपाली कांग्रेस, नेकपा माओवादी केन्द्र, एमालेको माधवकुमार नेपाल समूह, जनता समाजवादी पार्टीको अध्यक्ष उपेन्द्र यादव समूह र राष्ट्रिय जनमोर्चा छन् ।
कांग्रेस सभापति शेरबहादुर देउवा निवास बुढानीलकण्ठमा विपक्षी गठबन्धनका नेताहरूबीच छलफल भइरहेको स्रोतले जनाएकाे छ । बैठकमा समसामयिक राजनीतिक परिस्थिति र गठबन्धनको आगामी कदमबारे छलफल हुने बताईएको छ ।