नेपाली कांग्रेसका शीर्ष नेताहरूबीच प्रधानमन्त्रीको राजीनामा माग्ने र आफ्नै नेतृत्वको सरकार गठनमा अगुवाइ गर्ने सहमति भएको छ ।
आजकाे बैठकले प्रधानमन्त्रीको राजीनामा माग गर्ने निर्णय गरेकाे हाे । दिउँसो २ बजे सुरु हुने भनिएको बैठक लामो विवादपछि सवा आठ बजे सुरु भएको हो ।
बैठकअघि कांग्रेस भित्रको रामचन्द्र पौडेल र कृष्णप्रसाद सिटौला समूहले प्रधानमन्त्रीको राजीनामा माग्ने र सरकार गठनमा पार्टीले अग्रसरता लिनु पर्ने विषयमा अडान लिएका थिए । त्यहि अडानका कारण आज अबेर बैठक सुरु भएकाे हाे ।
त्यसपछि सभापति शेरबहादुर देउवा, वरिष्ठ नेता पौडेल र सिटौलासहितका नेताहरूको आन्तरिक छलफलपछि प्रधानमन्त्रीको राजीनामा माग गर्ने सहमति जुटेको हो।
निर्णयको प्रस्ताव पेस भएर पारित समेत भइसकेको अब बाहिर ल्याउँछौँ । सबैको चाहना कांग्रेस नेतृत्वकाे सरकार भएकाले यसतर्फ जान परेको एक केन्द्रीय सदस्यले जानकारी दिए ।
