नेकपा (माओवादी केन्द्र)ले सरकारलाई दिएको समर्थन अझै केही दिन फिर्ता नलिने आजकाे बैठकले निर्णय गरेकाे छ ।
पेरिसडाँडामा बसेकाे स्थायी कमिटी सदस्यहरूको बैठकले अझै दुई/तीन दिन समर्थन फिर्ता नलिने निर्णय गरेको प्रवक्ता नारायणकाजी श्रेष्ठले जानकारी दिए ।
“सरकार गठनको विषयमा नेपाली कांग्रेस र जनता समाजवादी पार्टीसँग थप छलफल गर्ने निष्कर्षमा पुगेका छौं तर, केहीदिन समर्थनमै रहने निर्णय भएकाे छ ।” श्रेष्ठले भने।
साथै बैठकमा सर्वोच्च अदालतको फैसला पुनरावलोकन गर्न दिएकाे निवेदनका विषयमा पनि छलफल भएको छ । सर्वोच्चले २३ फागुनमा नेकपाको एकीकरण गर्ने निर्णय बदर गरेपछि एमाले र माओवादी केन्द्र अलग भएका छन् । त्यसपछि नेकपा माओवादी केन्द्रले सर्वोच्चमा पुनरावलोकनका लागि निवेदन दिइसकेकाे छ ।
