काठमाडौं । आज (मंगलवार) कारोबार भएको पहिलो घण्टामा नेप्से परिसूचक ४०.८४ अंकले बढेर २,६२६.८५ विन्दुमा पुगेको छ ।
२,६१५.३६ विन्दुबाट सुरु भएको बजार कारोबारको पहिलो घण्टामा १.५८ प्रतिशतले बढेको हो ।
कारोबारको पहिलो घण्टामा मिर्मिरे माइक्रोफाइनान्स, नेपाल इन्फ्रास्ट्रक्चर बैंक, कर्पोरेट डेभलपमेन्ट बैंक, हिमालय उर्जा विकास र सपोर्ट माइक्रोफाइनान्सको शेयरमूल्य ९ प्रतिशतभन्दा बढीले वृद्धि भएको छ ।
पहिलो घण्टाको अवधिमा १९६ ओटा कम्पनीको २४ हजार १६९ पटकको कारोबारमा ५४ लाख ३४ हजार ५१८ कित्ता शेयरको ३ अर्ब १७ करोड २९ लाख बराबरको खरीदविक्री भएको छ ।