चैत १६, २०८०, शुक्रबार
               

श्रीमान‍्काे हत्या

नेपाल फ्ल्यास
असार १७, २०७७

ADVERTISEMENT

रुकुमपूर्व । रुकुमपूर्वमा श्रीमतीले आफ्ना श्रीमान‍्काे हत्या गरेकी छन् । श्रीमतीले चिर्पटले हान्दा श्रीमान‍्काे ज्यान गएको हो ।  सिस्ने गाउँपालिका वडा नम्बर २ प्वाङको सुद्रीमा २३ वर्षीय विछोड विकलाई २० वर्षीया पत्नी रेश्माले दाउराले हान्दा ज्यान गएको हो ।

पारिवारिक विवादका कारण गए राति ११ बजेतिर श्रीमतीले श्रीमान‍्लाई दाउराले टाउकामा हान्दा ज्यान गएको वडा नम्बर २ का वडाध्यक्ष जीवन केसीले जानकारी दिए ।  उनका अनुसार आज बिहान मात्र घटनाबारे जानकारी पाइएको र प्रहरीलाई खबर गरिएको छ ।

घटनाका बारेमा जानकारी पाएलगत्तै प्रहरी टोली घटनास्थलमा पुगिसकेको र रेश्मालाई नियन्त्रणमा लिएको जिल्ला प्रहरी कार्यालयका सूचना अधिकारी एवम् प्रहरी निरीक्षक दिनेश गुरुङले जानकारी दिए । शव परीक्षणका लागि जिल्ला अस्पताल ल्याइँदै छ । 


कस्तो लाग्यो ?

यो पनि