काठमाडौं । कोरोना भाइरसको संक्रमणबाट विश्व आहात भइरहँदा निको हुनेको संख्यामासमेत उल्लेख्य सुधार भइरहेको छ ।

करिव तीन महिनामा निको हुने कुल संक्रमित संख्याको ३५ प्रतिशतले बढेका छन् । 

नेपाल फ्ल्यासले विश्वभरमा १० लाख बढी संक्रमित पुगेपछिको तथ्यांक विश्लेषण गर्दा निको हुनेको संख्यामा उल्लेख्य सुधार आएको देखिएको हो ।

चैत २० गते कुल संक्रमितको करिव २० प्रतिशत निको भएका थिए । असार ११ गतेसम्ममा कुल संक्रमितको ५४ प्रतिशतभन्दा बढी निको भइसकेका छन् । 

यो विवरणमा स्पेन, बेलायत, नेदरल्यान्ड्स र स्विडेनमा निको हुनेको तथ्यांक जोडिएको छैन । त्यो समेत जोड्दा निको हुनेको प्रतिशत अझै बढी हुनेछ ।