पश्चिमि अमेरिकी राज्य कोलोराडोमा सेतो दाह्री पालेको एक मानिसले लुटेको लगभग ११ लाख ३० हजार रुपैयाँ हावामा छरेको त्यहाँका स्थानिय, प्रहरी र संचारकर्मीहरुले बताएका छन् ।
डेभिड वाइन वोलिभर नाम गरेका ६५ वर्षका चोर लाई नजिकैको स्टारबक्स कफि शपबाट प्रहरीले सोमबार पक्राउ गरेको थियो ।शंकासपद हतियारको साथ बैंक पुगेका डेभिडले पैसा चोरेर भागेको कोलेराडो प्रहरीले बताएको छ ।
प्रत्यक्षदर्शी डायन पास्कलले स्थानीय टेलिभिजन केकेटिभी मा जानकारी दिदैं भने लुटेराले पैसा बाटै भरि छरेर हिँड्यो । पास्कलका अनुसार नजिकका मानिसले पैसा टिपे र लगेर बैंकमा पुर्याइदिए । त्यसपछि ओलिभर स्टारबक्समा चिया खान पसे । त्यहीँ प्रहरीले उनलाई पक्राउ गर्यो ।
स्थानिय दैनिकी ‘डेनिभर पोष्ट’ मा प्रहरीले हजारौं डलर फ्याकेका ओलिभरमा हतियार बोकेको नपाएको उल्लेख गरेको छ ।
