काठमाडौं । कोरोना भाइरसको संक्रमणबाट सबैभन्दा बढी निको हुने मुलुक आइसल्यान्ड देखिएको छ । त्यहाँ शतप्रतिशत नजिक निको भएका छन् ।
यो सामग्री तयार पार्दा आइसल्यान्डमा १ हजार ८०३ जना संक्रमित रहेकोमा १ हजार ७९० जना निको भएका छन् । यो ९९ दशमलव २८ प्रतिशत हो । यति बेलासम्ममा विश्वभर निको हुनेको प्रतिशत ४० दशमलव ०६ प्रतिशत रहेको छ ।
आइसल्यान्डपछि न्युजिल्यान्डमा १ हजार ५०४ जना संक्रमितमध्ये ९६ दशमलव ७४ प्रतिशत अर्थात् १ हजार ४५५ जना निको भइसकेका छन् ।
त्यस्तै हङकङमा पनि १ हजार ६४ जना संक्रमित रहेकोमा १ हजार २९ जना अर्थात् ९६ दशमलव ७१ प्रतिशत उपचारपछि ठीक भएका छन् । थाइल्यान्डमा पनि ९५ दशमलव ३९ प्रतिशत निको भएका छन् । त्यहाँ ३ हजार ३७ जना संक्रमित छन् भने २ हजार ८९७ जना ठीक उपचारपछि डिस्चार्ज भएका छन् ।
नेपाल फ्ल्यासले पाँच सयभन्दा माथि संक्रमित भएका १२५ वटा मुलुकको तथ्यांक विश्लेषण गर्दा सबैभन्दा कम निको हुने दर नर्वेमा शून्य दशमलव ३९ प्रतिशत देखिएको हो ।
नर्वेपछि निको हुने दर कम भएको देश इक्वेटेरियल गुनिया हो । त्यहाँ ९०३ जना संक्रमित हुँदा २ दशमलव ४४ प्रतिशत अर्थात् २२ जनामात्र निको भएका छन् । त्यसपछि हाइटीमा ७२१ जना संक्रमितमध्ये २१ जना निको भएका छन् । यो २ दशमलव ८६ प्रतिशत हो ।
त्यसपछि गुयना-बिसाउमा निको हुनेको दर ३ दशमलव ७९ प्रतिशत छ । त्यहाँ १ हजार १०९ जना संक्रमित रहेकोमा ४२ जना निको भएका छन् ।
सर्वाधिक संक्रमित ५० मुलुकको तथ्यांकमा भने कोरोनाको उद्गम देश चीनमा निको हुनेको दर सबैभन्दा धेरै छ । ८२ हजार ९७१ जना संक्रमित रहेको चीनमा ९४ दशमलव ३२ प्रतिशत अर्थात् ७८ हजार २५५ जना निको भइसकेका छन् ।
अहिलेसम्म सर्वाधिक मृत्यु र संक्रमण भएको अमेरिकामा २३ दशमलव ५८ प्रतिशत निको भएका छन् । अमेरिका निको हुने दरको आधारमा ४२औँ स्थानमा छ । भारतमा ४१ दशमलव ७ प्रतिशत निको भएका छन् । पछिल्लो दिनमा संक्रमण फैलँदै गएको रुसमा २९ दशमलव १९ प्रतिशत संक्रमित ठीक हुँदा ब्राजिलमा ४० दशमलव ५१ प्रतिशत निको भएर घर फर्किएका छन् ।
बढी संक्रमण भएका ५० देशमा निको हुनेको दर
देश | निको प्रतिशतमा | |
---|---|---|
विश्वभर | ४०.०४ | |
१ | चीन | ९४.३२ |
२ | दक्षिण कोरिया | ९१.२० |
३ | अस्ट्रिया | ९१.१४ |
४ | स्विट्जरल्यान्ड | ९०.९० |
५ | जर्मनी | ८८.२६ |
६ | आयरल्यान्ड | ८६.३४ |
७ | डेनमार्क | ८६.२४ |
८ | इजरायल | ८२.२६ |
९ | इरान | ७७.७५ |
१० | जापान | ७७.१६ |
११ | टर्की | ७४.८९ |
१२ | स्पेन | ७०.३१ |
१३ | मेक्सिको | ६८.२५ |
१४ | चेक गणतन्त्र | ६७६९ |
१५ | पनामा | ६१७३ |
१६ | रोमानिया | ६०१७ |
१७ | इटाली | ५९०२ |
१८ | साउदी अरब | ५५.३८ |
१९ | डोमिनिक गणतन्त्र | ५३.९४ |
२० | क्यानडा | ५१.२९ |
२१ | सर्बिया | ४९.१८ |
२२ | युएई | ४७.४२ |
२३ | बहराइन | ४७.३८ |
२४ | दक्षिण अफ्रिका | ४६.७७ |
२५ | पोल्यान्ड | ४१.९६ |
२६ | चिली | ४१.६७ |
२७ | भारत | ४१.०७ |
२८ | सिंगापुर | ४०.६४ |
२९ | ब्राजिल | ४०.५१ |
३० | पेरु | ४०.०७ |
३१ | बेलारुस | ३६.१३ |
३२ | फ्रान्स | ३५.१२ |
३३ | युक्रेन | ३१.६० |
३४ | अर्जेन्टिना | ३०.५३ |
३५ | पाकिस्तान | २९.४३ |
३६ | रूस | २९.१९ |
३७ | इजिप्ट | २८.११ |
३८ | कुवेत | २७.९७ |
३९ | बेल्जियम | २६.६५ |
४० | कोलम्बिया | २४.१७ |
४१ | इन्डोनेसिया | २४.०० |
४२ | अमेरिका | २३.५८ |
४३ | फिलिपिन्स | २२.३३ |
४४ | पोर्चुगल | २१.५७ |
४५ | बंगलादेश | १९.६५ |
४६ | कतार | १८.८६ |
४७ | स्विडेन | १५.४५ |
४८ | अफगानिस्तान | १०.८१ |
४९ | इक्वेडर | १०.०७ |
५० | नर्वे | ०.३९ |