यस्तो छ सरकारको नीति तथा कार्यक्रम (मुख्य बुँदाहरू)

जेठ ०२, २०७७

काठमाडौँ । राष्ट्रपति विद्यादेवी भण्डारीद्वारा सरकारको नीति तथा कार्यक्रम संसद्को संयुक्त सदनमा प्रस्तुत भएको छ ।

सरकारको नीति तथा कार्यक्रममा 'मेरो सरकार' भन्ने शब्द यस पटक राखिएको छैन । गत वर्ष मेरो सरकार भनेर सम्बोधन गर्दा त्यसको विरोध भएको थियो ।

यस्ता छन् त्यसका प्रमुख बुँदाहरू :

कोरोनाविरुद्ध एक ढिक्का भएर लाग्न आह्वान
जनआकाङ्क्षा पूरा गर्न सरकार प्रतिबद्ध, प्रदेश र स्थानीय तहलाई आवश्यक स्रोत सुनिश्चित
कोरोना संक्रमणले प्रदेश र स्थानीय तहको औचित्य प्रस्ट्यायो
सरकारको यही कार्यकालभित्र नेपाललाई विकासशील राष्ट्रको पंतिमा पुर्‍याउने
तुइनको जोखिमपूर्ण आवागमन विस्थापित गर्ने सरकारको निर्णय पूरा
१० वर्षमा १५ हजार विद्युत् उत्पादनको नीति कार्यान्वयनमा
कृषि उत्पादकत्व १० वर्षमा दोब्बर गर्न कृषि पूर्वाधारमा ठुलो मात्रामा लगानी गरिने
समृद्धिलाई कुल ग्राहस्थ उत्पादनको आधार मात्र नमानिने
आर्थिक स्रोतका लागि अधिकतम आन्तरिक परिचालनमा जोड
सरकारी आयोजना तोकिएको समय र लागतमा पूरा गर्ने
उत्पादनशील र रोजगारमूलक क्षेत्रमा लगानी वृद्धि गर्ने
स्वदेशमै रोजगारी सिर्जना गरी राष्ट्रिय क्षमता वृद्धिको अवसरका रूपमा उपयोग गर्ने
नेपालमा कोभिड १९ महामारीमुक्त देश बनाउनु पहिलो प्राथमिकता
कोरोनाबाट नेपालमा कुनै नागरिकको ज्यान जाने अवस्था बनाउन सरकार प्रयासरत
महामारीका कारण रोजगारी गुमाएका गरिब तथा विपन्न वर्गलाई रोजगारीसम्बन्धी विशेष कार्यक्रम ल्याइने
सबै स्थानीय तहका वडा पूर्ण खोप सेवा पुर्‍याइने
हरेक स्थानीय तहमा ५ देखि १५ शय्याको अस्पताल बनाउने
अञ्चल अस्पताललाई २०० शय्याको बनाइने
कम्तीमा तीन सय शय्याको अत्याधुनिक सरुवा रोग अस्पताल बनाउने
देशभर एकीकृत एम्बुलेन्स सेवा उपलब्ध गराइने
शिक्षण अस्पताल महाराजगन्जमा नेफ्रोलोजी तथा युरोलोजी सेवा केन्द्र बनाइने
कान्ति बाल अस्पताललाई बालरोगका विशेषज्ञ उत्पादन गर्ने केन्द्रका रूपमा विकास गरिने
सबै स्वास्थ्य संस्थाले महिनामा एक दिन स्याटलाइट अस्पताल सञ्चालन गर्नुपर्ने
आगामी आर्थिक वर्षमा साक्षर नेपाल घोषणा गरिने
'चिनौँ आफ्नो माटो, बनाऔँ आफ्नै देश' अभियानमा स्नातक युवा खटाइने
सार्वजनिक विद्यालय सबलीकरण दशक अभियान सञ्चालन गर्ने
विज्ञान अध्ययन केन्द्र स्थापना गरिने
तीन वर्षभित्र सबै सामुदायिक विद्यालयलाई पूर्वाधार सम्पन्न बनाउने
सबै विद्यालयमा इन्टरनेट र प्रयोगशालाको व्यवस्था गरिने
युवालाई उद्यम गर्न सुरुवाती पुँजी उपलब्ध गराउने
प्रधानमन्त्री रोजगार कार्यक्रमलाई रोजगारमूलक अन्य कार्यक्रमसँग आबद्ध गरिने
श्रम सूचना बैङ्क स्थापना गरिने
वैदेशिक रोजगारीमा गएकाहरूलाई पनि सामाजिक सुरक्षा प्रणालीमा आबद्ध गरिने
ठुला परियोजनामा थप विदेशी लगानी आकर्षित गरिने
फजुल खर्च कटौती गरी चालु खर्च घटाइने
देशभरको जमिन खेर जान नदिई उपयोगको नीति लिइने
हिमालय संरक्षणका लागि विशेष कार्यक्रम सञ्चालन गरिने
प्रदेश राजधानीहरूलाई हरित सहरको रूपमा विकास गर्न बृक्षारोपरण गरिने
जग्गा वर्गीकरणको कामलाई तीव्रता दिइने
निर्यातमूलक उद्योगलाई संरक्षण र सहुलियत प्रदान गरिने
४५ स्थानीय तहमा औद्योगिक ग्राम स्थापना गरिने
बन्द तथा रुग्ण उद्योगलाई अधिकतम क्षमतामा पुनः सञ्चालन गरिने
आगामी आर्थिक वर्षमा नवलपरासीमा फलाम उत्पादन सुरु गरिने
दैलेखलगायत १० स्थानमा पेट्रोलियम अन्वेषण जारी
बङ्गलादेश र भुटानसँग व्यापार सम्झौता गरिने
चीनको बाटो हुँदै बन्दरगाहको प्रयोग गरिने
आगामी वर्ष बन्दरगाह सञ्चालन सम्बन्धी कानुन बनाइने
निर्यात गृह स्थापना गरिने र सामूहिक ट्रेडमार्कको अवधारणा ल्याउने
सङ्घमा एक लाख र प्रदेशमा ३० हजार मेट्रिक टन खाद्यान्न भण्डारको क्षमता बनाइने
कोभिड १९ ले पर्यटनमा परेको असर कम गर्न पुनरुत्थान कार्यक्रम सञ्चालन गरिने
गौतमबुद्ध अन्तर्राष्ट्रिय विमानस्थल आगामी आर्थिक वर्षभित्र सञ्चालनमा ल्याइने
आगामी आर्थिक वर्षमा थप २ वटा विमानस्थल बनाइने
लुम्बिनीमा पाँच हजार क्षमताको ध्यान केन्द्र बनाइने
९४ प्रतिशत नागरिकलाई आधारभूत स्तरको खानेपानी सुविधा पुर्‍याइने
आगामी आर्थिक वर्षभित्र मेलम्ची आयोजनाको सबै काम पूरा गरिने
आगामी आर्थिक वर्षमा तीन सय वटा पुल निर्माण गरिने
पूर्व-पश्चिम राजमार्गको सबै खण्डलाई चार लेनको बनाइने
नागढुंगा-नौविसे मार्गमा एक किलोमिटर सुरुङ आगामी आर्थिक वर्षमा खनिने
चीन र भारतबाट काठमाडौँ जोडने रेलमार्गको प्रारम्भिक अध्ययन पूरा
आगामी आर्थिक वर्षदेखि आफ्नै पानीजहाज चलाउन कानुनी व्यवस्था गरिने
पूर्व-पश्चिम राजमार्गको सबै खण्डलाई चार लेनको बनाइने
तीन वर्षभित्र गण्डकी नदीमा जल यातायात सञ्चालन गरिने
आगामी तीन वर्षभित्र संघीय संसद् भवन निर्माण पूरा हुने
भक्तपुरको सानोठिमीमा पाँच हजार क्षमताको सभा हल बनाइने
काठमाडौँ उपत्यकाभित्र चारवटा आधुनिक उपसहर बनाइने
राष्ट्रिय स्तरको बृहत् शहीद पार्क निर्माणको तयारी प्रारम्भ गरिने
रानीपोखरी र धरहरा आगामी आर्थिक वर्षभित्र निर्माण पूरा गरिने
आगामी वर्षमा विद्युत् जडित क्षमता ३ हजार मेगावाट बनाइने
तीन वर्षभित्र पूर्ण विद्युतीकरण गरिने
आगामी आर्थिक वर्षभित्र माथिल्लो तामाकोसी जलविद्युत आयोजनाको निर्माण पूरा गरिने
दूधकोकी जलाशययुक्त आयोजनाको निर्माण थालनी गरिने
कोसी, कमलालगायतका नदी नियन्त्रणमा विशेष कार्यक्रम गरिने
सरकारी सेवालाई डिजिटल प्रविधिमार्फत उपलब्ध गराइने
दुई वर्षभित्र सरकारी कारोबार नगद रहित बनाइने
आगामी दुई वर्षभित्र नेपालको आफ्नै स्याटलाइट निर्माण तथा सञ्चालन गर्ने
पत्रकारितालाई मर्यादित र व्यावसायिक बनाउन आवश्यक कानुनमा परिमार्जन गरिने
तीन वर्षभित्र सबै नागरिकलाई राष्ट्रिय परिचयपत्र वितरण गरिने
तीन वर्षभित्र व्यक्तिगत घटना विवरण अनलाइनबाट दर्ता गरिने
राष्ट्रपति महिला उत्थान कार्यक्रममार्फत महिला सशक्तीकरण गरिने
सबै स्थानीय तहमा महिला उत्थान केन्द्र स्थापना गरिने
युवाका लागि सबै प्रदेशमा नव प्रवर्द्धन केन्द्र स्थापना गरिने
उच्च पर्वतीय खेलकुद तालीम केन्द्र स्थापना गरिने
सार्वजनिक खरिद कानुन संशोधन गरिने
ठेक्का दिने पदाधिकारी र त्रुटिपूर्ण सल्लाह दिने परामर्शदातालाई पनि उत्तरदायी बनाइने
सीमा व्यवस्थापनका लागि थप बोडर आउट पोस्ट बनाइने
आगामी वर्ष राष्ट्रिय जनगणना, औद्योगिक तथा सुख मापन गणना गरिने
छिमेकीहरूसँगको सम्बन्धले नयाँ उचाइ लिएको
सीमा सुरक्षा गर्दै अन्तर्राष्ट्रिय सम्बन्धलाई थप सुदृढ गरिने
लिम्पियाधुरा, लिपुलेक र कालापानी नेपालको हो र त्यसलाई प्राप्त गर्न ठोस पहल गरिने
छुटेको भूमिसमेत समावेश गरी नेपालको नयाँ नक्सा जारी गरिने